Föstudagur, 12. júní 2015
Í framhaldi af seinni póstinum frá því í gær
Ég setti sem sagt inn nýja prófílmynd á tumblr bloggið mitt fyrir um hálfum mánuði síðan. Hún sýnir efri partinn á andlitinu á mér með neðri hlutann falinn á bak við bók, og bert höfuðleðrið fyrir ofan - reyndar sama prófílmynd og ég nota hér, nema það sést í meira af hausnum. Ég birti hana líka í bloggfærslu, ásamt mynd tekinni beint ofan á nýrakaðan kollinn á mér.
Ég vissi svo sem að skallblætiliðið mundi fyrr eða síðar taka við sér, hafði enda fundið slatta af svoleiðis bloggum þegar ég var að leita mér upplýsinga um hvernig væri best að viðhalda lúkkinu (skafa vs. klippur vs. rakvél) og fara að í sambandi við rakakrem vs. hárnæringu, hausþvott með sjampói vs. sápu og annað slíkt.Það komu nokkur læk og nokkur endurblogg, og svo hélt ég að það væri búið.
Mér er alveg sama um þetta, en í gær var ég svo að skoða listann yfir læk og endurblogg á færslum og nýja fylgjendur, og rak þá augun í að skallamyndin hafði verið endurblogguð á klámblogg. Það var hrollur, og hann ekki góður. En þetta er auðvitað víti til varnaðar þeim sem pósta myndum á netið.
Í morgun var svo komið aðdáendabréf. Hvort það kom í gegnum klámsíðuna, blætisíðu eða út af leit, það veit ég ekki. Ég veit heldur ekki alveg hvort ég þori að svara því.
Um bloggið
Hér og þar og alls staðar
Myndaalbúm
Heimsóknir
Flettingar
- Í dag (28.1.): 0
- Sl. sólarhring:
- Sl. viku: 1
- Frá upphafi: 0
Annað
- Innlit í dag: 0
- Innlit sl. viku: 1
- Gestir í dag: 0
- IP-tölur í dag: 0
Uppfært á 3 mín. fresti.
Skýringar
Athugasemdir
Það er greinilegt að þetta nýja look vekur mikla athygli...en þetta nýjasta twist er nú full mikið af því góða ;) Skil sko mæta vel að þú hafir fengið hroll.
Svava 6.7.2015 kl. 07:54
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.