Aðeins um atvinnuleitina

Þó að ég sé upptekin af undirbúningnum fyrir ferðalagið má ekki halda að ég sé að vanrækja vinnuleitina. Eitt það fyrsta sem ég gerði var að skrá mig hjá helstu atvinnumiðlunum á netinu, þar á meðal job.is. Þaðan fær maður sendan tölvupóst sem verður til sjálfkrafa út frá þeim upplýsingum sem maður setur inn um sig. Þar á meðal er kyn, en það er ekki að sjá að job.is taki mikið mark á því:

“From: [e-mail] [mailto:[e-mail]]

Sent: 10. október 2009 16:08

To: [e-mail]

Subject: Job watch information

Kæri/Kæra Xxxxxxx Zzzzzzzzzzzzzzz Job-vaktin hefur fundið 1 störf sem þú getur sótt um, byggð á skráningu þinni.

Niðurstöður Job-vaktarinnar

Starfsheiti           Fyrirtæki                             

Karlkyns baðvörður óskast”

 

Ég hef fengið þessa ábendingu samtals fimm sinnum, og get ekki betur séð en að til þess sé ætlast að maður sé tilbúinn að skipta um kyn til að fá þessa líka frábærlega aðlaðandi og örugglega vel borguðu vinnu.