Er þetta húmor, eða?

Föstudagur, 9. janúar 2015

Ég rakst áðan á þessa frétt á DV.is, sem fjallar um ljósmyndatöku af flugvél sem virðist vera nánast ofan í Holuhraunsgosinu. Fjarlægðin, sem er um 300 metrar, er kannski í það minnsta, en varla þannig fólkið í flugvélinni sé í mikilli hættu. Myndin er nefnilega tekin með aðdráttarlinsu. Þær skila minni dýpt en gleiðlinsur og þannig lætur linsan flugvélina virðast vera hættulega nærri gosinu.

Næst fylgdi ég krækju á upprunalega frétt breska götublaðsins Daily Mail af myndatökunni. Fréttir þess blaðs eru oft uppfullar af skemmtilegum villum, röngum fullyrðingum og hlálegri málfræði, en í þetta skipti var það ein athugasemdin sem vakti athygli mína. Ef þetta á að vera húmor, þá er þetta vel heppnuð háðsádeila á heimsku fólks sem skrifar athugasemdir án þess að hafa lesið almennilega það sem það er að fjalla um, og þar að auki á staðalmynd hins heimska Ameríkana, en því miður held ég, miðað við aðrar athugasemdir sem ég hef lesið við fréttir í DM, að honum sé fúlasta alvara:

Meginflokkur: fjölmiðlar | Aukaflokkur: ljósmyndun | Breytt s.d. kl. 10:30 | Facebook

Athugasemdir

Ég tel þetta lélegan húmor, því með greininni í DM eru myndir og ein þeirra sýnir ljósmyndaran (Baldur9 og flugmanninn (Elías) myndin er greinilega af tveim karlmönnum. Ef svo skildi vera að þetta sé ekki húmor, þá segir athugasemdin allt um gáfnafar þess sem hana ritaði.

Kjartan 9.1.2015 kl. 10:54

Ég held reyndar að hann sé að tala um flugmann vélarinnar sem er á myndinni. Myndin af flugmanninum og farþeganum er hins vegar sjálfsmynd af þeim sem tók myndina og flugmanninum sem var með honum. Maður þarf að lesa greinina til að komast að kyni hins flugmannsins (karlkyns), þannig að annað hvort las viðkomandi ekki textann eða er að grínast.

JG, 9.1.2015 kl. 11:26

P.S. Reyndar dettur mér í hug að hann sé kannski bara að trolla (http://slangur.snara.is/?p=4454)

JG, 9.1.2015 kl. 11:41

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Hér og þar og alls staðar

Höfundur

Ég er þýðandi að atvinnu og aðaláhugamálin eru lestur og ferðalög. Bloggið fjallar aðallega um ferðalög, en veturinn 2014-2015 var mikið fjallað um húsbíla, því þá var ég, með góðri aðstoð og verkstjórn föður míns, að breyta Volkswagen Caddy sendiferðabíl í einn slíkan og hélt dagbók yfir ferlið, sem vonandi getur gagnast öðrum sem hafa hug á að gera hið sama. Nú er ég farin að ferðast á bílnum og því aftur byrjuð að blogga um ferðalög.